ازاي تطفشي عريس انت مش عايزاه.. واهلك عايزينه ؟!!!

من طرف **reem0s eldi@bya** الأربعاء سبتمبر 24, 2008 3:15 pm

ولو في شباب اسمعوا للاخر عشان في حاجات بتهمكم:

بسم الله الرحمن الرحيم

اليكم الخطة الريموسية lol!

نبدأ الخطة سوا:

1- لا تظهري لاهلك عدم الرضا ... (عشان تعرفي تكملي الخطة)

2- اهم شئ فى الخطة من يوم ما تسمعي بالعريس لحد ما ييجي اوعي تستحمي ,

خلي الريحة الحلوة تطلع ...
(ماتنسيش تفرمي بصل كتير واذا في ثوم خيييير و بركة ..)
طبعا
(انتي بتساعدي ماما ما حدش هيقول حاجة)

3- طبعا النهاردة اهل العريس عايزين ييجو يشوفو (قمر الزمان)

عشان كدا قمر الزمان لازم تفضل نايمة,,,,لقبل الموعد بساعة (عشان وشك يستريح وما يظهرش انه تعبان)

و بكدا بتكوني
ضيعتي على اهلك فرصة
انهم يكشفوكي.

4-اهل العريس جم... سلمي على امه بكل برود ...
واعملي نفسك قرفانة و شايفة نفسك>>بعدها اسحبي نفسك على غرفتك ... (عشان تزبطي نفسك امال ... - مش انتى لسة صاحية من النوم - )

و يلا نعرف خطوات احلى ميك اب ,
لاحلى مناسبة مناسبة :

1 - الكحل : الكحل جميل جدا على العيون ... اتكحلي ... بس خلي الكحل
فى عين اكتر من التانية..
وكدا بتضمني تكوني (حولة رسمي)

2 - كريم الاساس: اكيد عايزين كريم اساس بس على الشفايف ..
كدا يبان معاكي بفقر دم..........,,ياعيني مسكينة

3 - الشادو : طبعا الشادو هو اللي بيخبي البلاوي (وهو اللي بيبيّن البلاوي )
الشادو الاسود على العيون
و ثقلييييييييه مع شادو اصفر
على وشك بدل (البلاشر) ,,,,

و بكداااااااااا يبان معك كوليرا و بلهاريسيا...

و لازم تلبسي احلى موديل : جيبة ( تنورة )خضرا (لون الخيار )
و بلوزة حمرا (لون الحب)

- يعنى من الاخر جو الوان الطيف -

و البسي طرحة من سنة الف و تسعمية و ستة وخمسين من الى همة بيتلفو على الى الرقبة دى و السابو خشب من العصر الحجري...
تححححححفة

5- روحي عالمطبخ عشان تأخدي القهوة ... بس اوعي امك تاخد بالها من العك اللى انتى عاملاه حرصى اوى الام فى اليوم دة بتفضل تبص لبنتها كتير وتعدل فيها (ادينى نبهت اهو ولقد احظر من انذر) على راى الحكمة اليونانية او الاسبانية Very Happy

ما علينا خلينا فى المهم

6- امشي بكل ثقة الى غرفة الضيوف ...
(كل ما تكون ثقتك بنفسك اكتر تباني انك خبيرة في الأمور دي)

... وكدا.... الفار يلعب فى عب ابو العريس ...
ويسأل نفسه>>مدام هيا خبيرة كدا
ليه اللي قبلنا طفشو؟!!

بس الفار فى عب ابو العريس مش كفايه...

لازم يلعبلو شويه فى عب العريس ذات نفسه Twisted Evil

امسكي القهوة ... بصي بعيونه (واحولي عينيكي) ... المسكين بكون وقع
في الصدمة(من اول نظرة)
هو طبعا من شدة الصدمة هينسى القهوة... وطعمها المريب - بالشطة الحارة -
طبعا سيبي الرجالة يتكلمو في المهم .... (اوماااااااااااااااااااال) انتى بنت ناس وبتتكسفى وزوق كمان Cool

ارجعي لام العريس اللي عايزة تشوف جمال شعرك
(المرة دي مش هنعمل مقلب ... خليه حلو مافيش مشكلة ... سشوريه و زبطيه)
بس ..................
اقعدي اهرشي و اهرشي و اهرشي قدامها ...
تخيلي انه في حديقة حيوانات في راسك ...

مسكينة طنط (ام العريس) طبعا هتاخف اى حاجة تتنطر عليها من الغولة الى فى وشها
اذا نفذتي الخطوات دى مية مية بأكدلك .. هتسمعي كلمة : " يا الله "
وتسمعي صوت ابوكي
بيقول للجماعة " شرفتونا" ... لانه الضيوف عايزين (يفلسعو ) قبل ما يتدبسو
بـ بلوة منيلة بستين نيلة....
اه رأيكم ايه رايكم ....

تنفع ؟؟؟ اكييييييييييييد

اما انت ايها الشاب المسكين

فعشان ما يتعملش فيك المقلب ده

>>>مقلب ... ؟؟؟
>>>ايوة طبعا مقلب

قبل ما تفكر تتجوز او تخطب ... تاكد جيدا انه فيك هذه الصفات
(حسب مؤسسة المقاييس و المعايير الدولية للبنات في زمن الفضائيات)

1- هيبة و جلال وتقى : سامي يوسف

2- رومانسية و جاذبية : تامر حسني

3- طولك طول احمد عز واذا اطول خير و بركة.

4-ثقافة : جورج قرداحي

5- اناقة : نيشان ديرهورتنيان

6-عندك مواهب : ابو تريكة

7- ضحكة وسنان : محمد حماقي ..
.( اموت واعرف ايه المعجون اللي بيستعمله ايه ؟؟ )

8-خفة دم : احمد حلمي ...

وما تنساش تتاكد انه جيبك مليان
وتكون اعمى عن غيرها .. واطرش عن عمايلها... واخرس متسالهاش ثلث الثلاثه كام

من طرف nahla الأربعاء سبتمبر 24, 2008 4:11 pm

هههههههههههههههههههههههههههههههه
دا شبه الافلام العربى
والله اسهل حاجة تقولهم لما اكمل تعليمى ولو خلصت تقولهم مش عيزاه وتريح دماغها

هههههههههههههههههههههههههههههههههههههههههههههههههههههههههههههههه
احلى كلام
اه منكم يابنات
طول احمد عز انا سقطت من اول حاجه مش محتاج اقرى باقى النصائح

من طرف **R@n@ R0ny** الخميس سبتمبر 25, 2008 8:53 am

ههههههههههههههههههههههههههههههههههههههههههههههههههههههههههه
جامدة اوى واحلى حاجة موضوع الكحل دة بس حركات قديمة اووووووووى يعنى فى حاجات تانية احسن من كدة بياما تتعمل للتطفيش Laughing